Content on this page requires a newer version of Adobe Flash Player.

Get Adobe Flash player

نوێترین
د.به‌شیر: ده‌بێت مامۆستایانی ئایینی پێشه‌نگی پرسه‌ نیشتیمانییه‌كان بن

ئازادی و مافی چارەی خۆنووسین لەڕوانگەی ئایینی ئیسلامەوە

وتاری د.به‌شیر حه‌داد له‌ پێنجەمین كۆنگرەی دەزگای ڕۆشنبیری نوری حیكمە 15-7-2017

ئایا دروسته‌ له قه‌زاكردنه‌وه‌ی رۆژوو نیه‌تی شه‌شه‌ڵانیش بێنی؟

ڤیدیۆ .. د.بەشیر حەدداد: گۆڕانكاری لە كاتەكانی پرسەدا دەكرێت

د.به‌شیر داوا لەلایەنە سیاسيیەکان دەکات جەژن بکەنە دەرفەتى ئاشتەوایى

د.به‌شر:داواكارم لایه‌نه‌ سیاسییه‌كان ته‌نازول بۆیه‌كتر بكه‌ن پێش ئه‌وه‌ی ته‌نازول بۆ بێگانه‌ بكه‌ن

پەیامی د.بەشیر خەلیل حەدداد بەبۆنەی جەژنی ڕەمەزانی پیرۆزەوە

چەند دیاردەیەكی ناشیرن و نەشیاو لە مانگی پیرۆزی ڕەمەزاندا

چی بەسەر جەستەدا دێت پاش یەك مانگ لە ڕۆژووگرتن؟

شه‌وی پیرۆزی قه‌در و چه‌ند ڕێنمایی یه‌ك

مانگی نوورو بۆنی عەتر..!!

رەمەزان قوتابخانە 30 رۆژەكە و پەیامە پیرۆزەكە

دەتەوێت بزانیت بەربانگ کردنەوەت بە خورما چت پێ دەبەخشێت؟

رەمەزان مانگی بەخۆداچوونەوە

مانگی ره‌مه‌زان ده‌رفه‌تێك بۆ پاكبوونه‌وه‌‌و لێبورده‌یی

لقاء مع الدكتور بشير خليل حداد،في برنامج نظرات في كتاب الله

د.به‌شیر باس له‌ راسپارده‌كانی كۆنفرانسی رێكخستنی گوتاری ئایینی ده‌كات

في عمق المألوف - لقاء مع د.بشير خليل حداد

الدين والمجتمع/كيف أخدم ديني/ لقاء مع الشيخ الدكتور بشير خليل الحداد

 
ئازادی و مافی چارەی خۆنووسین لەڕوانگەی ئایینی ئیسلامەوە

ئازادی و مافی چارەی خۆنووسین لەڕوانگەی ئایینی ئیسلامەوە

*د.به‌شیر خه‌لیل حه‌دداد
مرۆڤەكان بەئازادی لەدایك دەبن و پێویستە بەئازادیش بژین . ئەمە راستیەكە هەموو یاسا و رێسا ئاسمانی وزەمینییەكان دانیان پێداناوە ، وەگشت رێكخراوە نێو دەوڵەتیەكانی تایبەت بەمافی مرۆڤمافەكانی گەلان جەختی لەسەردەكەنەوە تەنانەت جارنامەی جیهانی مافەكانی مرۆڤ و جارنەمەی ئیسلامی مەفاكانی مرۆڤیش تۆماریان كردوەو كاری لەسەر دەكەن . ئازادی گرنگترین ماف و گەورەترین زەرورەت و پێویستییە بۆمرۆڤ لە هەموو كۆمەڵگایەكدا ، لە كەش و هەوایەكی دوور لە ئازادی ئەستەمە وڵاتان و میللەتان بتوانن بەكامەرانی بژین ولەبوارە جۆراو جۆرەكانی ژیاندا گەشە بكەن و پێش بكەون ، تەنانەت هزروبیری مەعریفی وباوەڕو پەرستشەكانیش لەكەش و هەوایەكی پاكی ئازادیدا گەشەدەكەن لەواقعیشدا كاریان پێدەكرێت . وەباوەرداری ودینداری بێ ئازادی هیچ ماناو سودێكی نیە، هەربۆیە ئازادی ئاینی پیرۆزی ئیسلامدا پێگە و بنەمایەكی سەرەكی وگرینگە .
كاتێك خوای گەورە مرۆڤ وەك بەرزترین وبەرێزترین بونەوەرە وێنا دەكا  لە قورئانی پیرۆدا ئەگەر ئازادی مرۆڤەكان بەشێك نەبێت لەرێزلێنانە هیچ بەهایەكی نییە ، لەبەرئەوە بێگومان بەشی هەرەگرینگی ئەم رێزلێنانە مرۆڤ ئازادییەكەیەتی ،چونكەمرۆڤ لەهەمان كاتیشدا ئەركی جێنشینی پێسپێردراوە لە زەویدا، بۆئاوەدانكردنەوەبەرەوە پێشبردنی ژیان و بەجێگەیاندنی پەیامی چاكسازی وپاكسازی و مرۆڤ دۆستی ، كە مەحاڵە ئەم ئەركە گەورە وپیرۆزە بێ پێدانی ئازادی بە مرۆڤ ئەنجام بدرێ.
ئازادی تاك و كۆمەڵگا لە ڕوانگەی ئێسلامەوە نەك تەنها مافێكی ڕەهای مرۆڤە كەبەویستی خۆی بیەوێت ، بەڵكو پێویستیەكی ژیانی مرۆڤە و فەرزكراوێكی خوداییە ، وەداواكاریی تەكلیفێكی شەرعیشە ئەوەتا ئەگەر لەراڤەی ئایەتەكانی قورئانی پیرۆز رابمێنین و وردبینەوە هاوكێشەیەكی سەیر دەبینین ئەویش ئازادی یەكسانە بەمردن .
لەباسی كوشتنی هەڵە وئانقەست (القتل الخطأ ) قورئان باس لەقەرەبوكردنەوەو كفارەت دەكات ، كەبەشێكی بریتییە لەئازادكردنی كۆیلەیەك :(وَمَنْ قَتَلَ مُؤْمِنًا خَطَأً فَتَحْرِيرُ رَقَبَةٍ مُؤْمِنَةٍ وَدِيَةٌ مُسَلَّمَةٌ إِلَى أَهْلِهِ إِلَّا أَنْ يَصَّدَّقُوا ........) كاتێك بكوژەكە مرۆڤێك دەكوژێت و لە بازنەی ژیان وەریدەكات دەیخاتە بازنەی مردن ، وەك قەرەبووكردنەوەی تاوانەكە پێویستە كەسێك لەبازنەی مردن دەربكات و بیخاتە ناو بازنەی ژیانەوە ئەویش بەئازادكردنی كۆیلەیەك ، چونكە وەك پێشتر ئاماژەمان پێدا كۆیلەیی بەمانای مردن دێت وكەسی كۆیلە مردویەكی حوكمیە، بۆیە كاتێك ئازاد دەكرێت وەك ئەوە وایە كەژیانی بۆگەڕابێتەوە لەلایەكی تریشەوە مەسەلەی ئازادی لەئیسلامدا تەنها لەچوارچێوەی هزری وبیردۆزەیی نەماوەتەوە ، بەڵكو لە واقیعی كردەییدابەشێوەیەكی پراكتیكی بەرجەستە كراوە . وەشۆرشێكی چاكسازی وئازادی بەرپاكردوە بۆئازادكردنی مرۆڤەكان لە هەموو جۆرە ژێردەستی وكۆیلەییەك ، نەك تەنهابۆ كاتێك ،یا قۆناغێكی دیاریی مرۆڤایەتی ، بەڵكو ستراتێژێكی سەرەكی و بەردەوامە بۆ درێژایی ژیان .وەپەیامی سەرەكی گشت پەیامبەران وچاكسازان بریتی بووە لە ئازاد كردنی مرۆڤەكان وهاندانیان بۆرزگاری خۆیان و گەلەكەیان ، وەئەمە گەورەترین ئەركی مرۆڤەكانە بۆلابردنی ستەم و فشار لەسەر هزروبیرو ژیانیان .
لێرەدا پێویستە ئەوەبڵێین كەهەروەك ئازادی پێویستی و فەریزەیە بۆتاك ، بەهامان شێوە بۆمیللەتان و كۆمەڵگاكان زەرورو فەرزن وەهەمان تەكلیفی شەرعی دەیانگرێتەوە بۆ وەدەست هێنانی ئازادی و مومارەسە كردنی ئەو مافانەی كەخوا پێییداون ئەویش مافی چارە خۆنوسینە میللەتی ئێمەش لە هەرێمی كوردستان بەرەو هەنگاوی یەكەم دەروات بۆ وەدەست هێنانی ئازادی و سەربەخۆیی كە ئەویش ئەنجامدانی گشتپرسی یە بۆ وەدەست هێنانی مافی چارەی خۆنوسین . وە ئەمە هەل و فورسەتێكە هاتۆتە پێش ، پێویستە لەدەستی نەدەین ، چونكە لە مێژوودا چەندین هەلی ئاوا لەدەست چون بەهۆی پیلانی ناحەزان وە یا رێگری زلهێزەكان ، بەهۆی ناكۆكی ناتەبایی و ململانێ ی ناوخۆی .
پێویستە بزانین كە ئەم مەسەلەیە زیاتر مەسەلەیەكی سیاسی و یاساییە ،وەهیچ كێشەیەكی ئاینی نییە، وەئایین بە هیچ شێوەیەك نەك رێگرنیە ، بەڵكو كاركردن و هەوڵدان بۆ ئازادی و وەدەست هێنانی مافی چارە خۆنوسین بەفەرز دەزانێت و بەتەكلیفێكی شەرعی دەزانێ چونكە ئازادی یەكسانە بەژیان. بەمشێوەیە بۆمان رون دەبێتەوە كەئازادی خۆرێكە پێویستە لەناخی هەموو كەسێكە هەڵبێت ، و واقیعی هەموو گەلێك روناك بكاتەوە وە ئازادی نیعمەتێك و بەخششێكی خواییە كە بەهۆیەوە هەست بە تامی هەموو نیعمەتەكانی ترو بەخششەكانی دەكەین .  هەروەك وتراوە : ( ئازادی بەقیمەترین وگەورەترین شتە لەژیاندا ، هەربۆیە نرخەكەشی گەورەو قورسە) ، بەڵێ نرخی وەدەست هێنانی ئازادی قوربانیدانە بەسەروماڵ و هەول و خەبات وماندوبون ، وەهەرگیز پێویستە بسەندرێ نەك چاوەروانەبین پێمان بدرێت .  هەروەك بێكەسی شاعیر دەڵێت : -
داری ئازادی بەخوێن  ئاو نەدرێ قەت بەرناگری
سەربەخۆیی بێ فیداكاری ئەبەد سەرناگرێ
پیاو ئەمرۆ بۆسەندنی حەققی لەمردن سڵ نەكا
هەر(بروخێ) بەس نییە ، تاكو نەسەنرێ نادرێ

*پسپۆر لە هزری ئیسلامی


بەروار:  2017-08-13

All Rights Researved ©